Tanü nungi 65 buba NEC plenary senden amentsü

New Delhi, May 25 (Agencies) : North Eastern Council (NEC) anogo ananü atema 65 buba Plenary senden asüng nungi Shillong, Meghalaya nung tenzüktsü.

Iba senden mezüngbuba shilem nung mendenji Union Minister of State for Development of North Eastern Region (DoNER) aser NEC Chairman, Jitendra Singh asütsü aser iba mapang 64 buba Plenary meeting indang action report metetpelatsü aser NEC, 2016-17 draft annual plan agizüka ayutsü.

Mezüng anogo nung ‘Livelihood’ aser ‘Entrepreneurship’ onüktem nung ajemdaker technical session ana alitsü aser iba mapang Central ministry tem- Agriculture, Rural Development, Food Processing, Textiles, North Eastern Space Applications Centre (NESAC), Communication & IT, Skills, Tribal Affairs, AYUSH, MSME, Commerce aser Department of Financial Services nungi ketdangsertemi shilem agitsü.

May 27, nü Plenary Session tasembuba nung Ministry of Home Affairs, Inland Waterways Authority of India, Health & Family Welfare, External Affairs aser Drinking Water & Sanitation tem dena ministry aser department balalai shilem agitsü.

Tatembang anogo nung, “North East leads the way- Swachh Bharat Abhiyan” ta ser Marathon race ka asemtsü aser ibaji Polo Ground, Shillong nungi tenzüktsü.