Tanü nungi 7 buba Nagaland Spelling Bee c’ship tenzüker

Kohima, Rongjui (September) 26 (TYO): Kohima, Dimapur aser Wokha nung aliba school tem nungi kaketshir 57-i Nagaland Spelling Bee Championship 7 buba nung shilem agitsü.
Iba tetoktepba ya Fountain Club-i State Council of Educational Research & Training (SCERT) Nagaland den yaritepa ayongzüker aser omenji “The Learning Edge” lir.
September 27, 2018 anepdang 9:30 ako nung Planning & Co-ordination and Land Revenue, Neiba Kronu-i Capital Convention Centre Kohima nung “Bee Guest” ama shilem agitsü.
Tetoktepba nung Class 6 nungi 10 tsüngda kaketshirtemi shilem agitsü aser mezüng jenjang takok angur nem sen 60,000, tanabuba nem 40,000, tasembuba nem sen 20,000 aser pezübuba nem sen 15,000 senpettem agütsütsü.
Maneni, quarter finalists atonger pezü nem sen 5000 agütsütsü aser Young speller awardee nem sen 4000 agütsütsü.
Nagaland Spelling Bee Championship nung Cambridge Oxford dictionary nungi olungtem ashitsü.
September 28 nikongtsütsü 4:00 ako nung tetoktepba tembangba sentong nung School Education Principal Secretary Menukhol John adentsü.