Tanü nungi Chandigarh nung ‘Destination North East’ 2017 tenzüktsü

Chandigarh, March 5 (Agencies) : Asüng nungi Chandigarh nung anogo asemnü ‘Destination North East’ 2017 sentong tenzüktsü.
North East nung shishilembabaren wadang inyaktettsü ta sayutsü atema Ministry of Development of North Eastern Region (DoNER), government of India aser PHD Chamber of Commerce and Industry nati iba sentong ayongzüka agir.
Sentong nung North East Region nungi nisungtemi exhibition stalls lapoktsü aser olemtep mapang alitsü. Tongtipang onüktemji- tourism, skill development, food processing, handlooms & handicrafts, rural livelihoods, entrepreneurship, microfinance, horticulture & floriculture, medicinal & aromatic plants, organic farming aser bamboo development tem asütsü, ta PHD Chamber-i sangdong ka nung metetdaktsü.
Anogo asemnü sentongji Union Minister of State (Independent Charge) for Development of North Eastern Region (DoNER), Jitendra Singh-i lapoktsütsü, ta Joint Secretary, DoNER, S N Pradhan-i ashi.
North East Region (NER) ya linük litsü kübok shilem 8 shi lir aser nütsüng yongsük nung shilem 4 shi alir, ta Pradhan-isa ashi.
Destination North East, 2017 indang nükjidongji North East tesem ya shishilembatsü tesem tajung ka lir aser sobaliba takar aliba tesem ka ta sayutsü atema lir, ta paisa shisem.
Taküm agitsü aliba sentong nung Office of Principal Scientific Adviser to Government of India aser Council of Scientific & Industrial Research (CSIR)-ia shilem agitsü, ta Pradhan-isa metetdaktsü.
Destination North East 2017 nung tongti süa ranglokbaji ‘3 H’ Mission lir aser ibaji Horticulture, Handicraft aser Handlooms lir, ta paisa ashi.
‘Destination North East’ ta kümshi ayonga agir aser Delhi adener tanga tesem nung iba sentong mezüngbuba ayongzüka agibaji Chandigarh lir. North East indang tamaitsü ya India kübok tesem ajaklen sayutsü, ta Joint Secretary, DoNER-isa shisem.