Tanü nungi Hornbill International Film Festival akatsü

Dimapur, Luchii/December 07 (TYO): Heritage Village, Kisama kübok Bamboo Hall nung tanü Luchii 8 nungi tenzüka 9, 2018 nü tashi nikongdang 3:00 ako nungi 6:00 ako tashi GLOCAL indang 2buba edition Hornbill International Film Festival sentong ayonga agitsü.
Iba Film Festival sentong ya Commissioner & Secretary Information & Public Relations, Nagaland, V.Maria Yanthan-i lapoktsütsü.
Anogo ana tashi agitsü aliba sentong nung alima ajunga nungi short films, animations aser documentaries tem sayaba dang masü saka film yangluba maparen aser onük dak sendakba nung ajemdaker workshops aser seminars akatsü.
Film festival sentong nung award anguba animated short film “My Life I Don’t Want” screening asütsü alibaji tongtibang shilem rongnung ka lir.
Iba film ya Myanmar nunger indang short film ka aser iba film ajanga nüngtugu Human Rights Human Dignity Film Festival densema film festival sentong balala nungi award 38 tashi nguogo.
Kasa sentong nungsa Nagaland nungi nüngtugu short film ana – Sophy Lasuh indang IRIS YINGZEN aser Rone den külemi America, Latvia, Nagaland aser North-east India tesemtem indang short film sayatsü.
GLOCAL, Hornbill International Film Festival 2018 sentong ya Eastern Art Council den Directorate of Information & Public Relations, Government of Nagaland na longjema ayonger.