Tanü nungi India-US air forces military drill tenzüktsü

New Delhi, Luchii/December 02 (Agencies): Hombar nungi tenzüka West Bengal kübok Kalaikunda aser Panagarh air bases nung Indian Air Force aser US Air forces na senteper anogo 12 nü military exercise tenzüktsü, aser iba ya amalitepa operation agiba jenjang tajungba akumtsü nükjidong nung agir, ta tanü ketdangsertemi metetdaktsü.
‘Ex Cope India-18’ ta ajaba exercise ji Indian Air Force aser US Air Force na senteper agiba exercise pezübuba asütsü.
Tang mezüng iba exercise ya air force base ana tashi nung agitsü, ta ketdangsertemi metetdaktsü.
Iba drill atema US-i F15 C/D aser C-130 military aircraft yokogo aser Indian Air Force (IAF)-i Su-30 MKI, Jaguar, Mirage 2000, C-130J aser AWACS (Airborne Warning and Control System) aircraft amshitsü.
US aser India na tsüngda defence aser security nung tesendaktep jenjang ano tajungba akumtsü nükjidong nung US aser Indian air forces-i item exercise agir.
Yaküm US Tir, Donald Trump-i commander-in-chief ka ama linük nüburtem dan jembidang pai, South Asia policy ya kanga tongtibang aser US-i India den asalentong partnership tajungba ayutsü, ta metetdakja liasü.
2016 küm June ita nung US-i India ya “Major Defence Partner” ka lir, ta sangdonga liasü.