Tanü nungi Japan-Naga Christian reconciliation & revival summit tenzüktsü

Kohima, November 27 (TYO) : Hokolbarnü Japan nunger 30 den Thailand nunger 6 densema parnok nisung 36 tashi Kohima tonga aruogo. Honibar anepdang nungi Japan-Naga Christian Reconciliation & Revival Summit nung adentsü atema parnok Kohima-i aru.
Kohima atongba sülen ainertemi Kisama nung aliba World War-II Museum mezüng semdang aser iba mapang Art & Culture department-i parnok pela agizük. Iba sülen parnokisa Naga Heritage Village, Kisama nung aliba Morung tem sema senzü.
November 28, 2015 anepdang 10:00 ako nungi Khedi Baptist Arogo nung Japan-Naga Christian Reconciliation & Revival Summit mezüngbuba sentong agitsü. Iba denji November 28 & 29 nikongtsütsü 3:00 ako nungi NBCC Convention centre, New Secretariat nung revival sentongtem agitsü.
Iba sentong nung o jembirtemji All Japan Revival Mission Japan president Dr. Paul K Ariga aser Shinshiro Church Aichi Japan, Senior Pastor Rev. Jun Takimoto na asütsü.
November 28 aser 29 nung NBCC Convention Center nung aliba sentong atema bus pick up point ji High school Junction alitsü aser iba tesem nung nikongtsütsü 2:00 ako nungi bus angutsü ta osang metetdaktsüogo.