Tanü nungi Luyong Valley Festival tenzüker

Luyong (Mokokchung), December 20 (TYO): Luyong Students’ Union-i ayongzükba Luyong Valley Festival 2017 Brihostibar anepdang 10:00 ako nung SDO (C), Tuli, L Samuel Konyak-i Public Ground nung lapoktsütsü, ta tanü Organizing Committee Convenor, Supongyanger Tzudir-i sangdong ka ajanga metetdaktsü.
Iba festival nung beach volleyball, arr atsütepba, master chef, marathon race, arm wrestling aser solo tetoktepba nung shilem agir 150-i asaya balala nung tokteptsü.
2buba Luyong Valley Festival nung Tuli town (Tuli ADC Hq, Mokokchung) aser kishikina yimtsüngtem nungia shilem agitsü; mezüng anogo nung beach volleyball asaya nung team 20 dak temai shilem agia tokteptsü aser arr atsütepba den Master Chef tetoktepba alitsü.
Nikongdang 5:30 ako nungi Luyong Public Ground nung Divine Connection teloki shilem agitsü. Iba sentong ya Arenla Lemtur-i ketdangsüa agitsü. Iba kenten sentong nung tongti tesemdangerji Retired Principal District & Session Judge, Mayang Lima asütsü.
Anogo ananübuba nung Beach Volleyball final tetoktepba alitsü aser iba sentong nung tongti tesemdangerji PS to Parliamentary Secretary CAWD & Taxes Nagaland, Imchaba asütsü. Nikongdang kijai ken atenba tetoktepba alitsü aser iba sentong nung tongti tesemdangerji taoba Chief Secretary, Alemtemshi Jamir IAS asütsü.
Iba dak sendakba nung Luyong Students’ Union-i ajak arua adentsü pelashishia jaoker, ta kasa sangdong ajangasa metetdaktsü.