Tanü nungi RBI-i senpak 200 tasenba agütsür

New Delhi, August 24 (Agencies): August 25, 2017 nungi tenzüka Reserve Bank of India (RBI)-i Mahatma Gandhi series nung senpak 200 notes tasen agütsütsü aser iba notes nung RBI Governor, Urjit Patel indang signature keta alitsü.
Tamasabo senpak 200 notes ji teshimtet RBI office kar aser bank kar nung dang agütsütsü.
“Senpak tasenba tesülenji ‘Sanchi Stupa’ alitsü aser ibaji ajanga linük sobaliba senmang sayur. Senpak sentsühji wakong sentsü lir,” ta Brihostibarnü RBI-i sangdong ka ajanga metetdaktsü.
Senpak 200 notes nung, 200 züngya ateta angutsü, züngya 200 lir, aser Devnagari oshi nung 200 zülua lir aser tiyongtsü nung Mahatma Gandhi noksa lir.
Sen note nungsa Micro letters nung ‘RBI’, ‘India’ aser ‘200’ zülua lir, iba den külemi windowed security thread nunga 200 zülua lir.
Senpak 200 notes wapetsa meyipshidang thread sentsühji tanen nungi anüng sentsü agi melentsü aser Guarantee Clause, Governor indang signature den Promise Clause aser Mahatma Gandhi noksa ajichilen RBI emblem lir.
Senpak 200 note tesülen sen menüngba küm abelen lir, iba den külemi Swachh Bharat logo, Language panel, Sanchi Stupa aser Devnagari oshi nung züngya 200 lir.