New Delhi, June 15 (TYO): June 16, 2017 nü nungi tenzüka anogoshia India linük nung petrol aser diesel jenjang melenshitsü anogo ka dang lia Brihostibar ayaterm nungi petrol litre shia sen 1.12 aser diesel litre shia nung sen 1.24 ajemogo.
Iba jenjang melenshiba sülen Delhi nung petrol litre ka nung sen 66.91 aser diesel litre ka nung sen 55.94 asütsü.
Iba dak sendakba nung Indian Oil Corp (IOC)-i sangdong ka ajanga, “Tang Intrenational jenjang nung Petrol aser Diesel jenjang aser India sen aser US sen exchange rate apir Petrol aser Diesel jenjang nung sen ajemer,” ta metetdaktsü.
Hokolbar nungi tenzüka Indian Oil Corp, Bharat Petroleum Corp aser Hindustan Petroleum Corp-i linük tesem ajaklen anogoshia petrol aser diesel jenjang reprangshia melenshitsü.
Tanü nungi totzü jenjang anogoshia balala asütsü; Petrol litre nung sen 1.12; diesel nung sen 1.24 ajemer added by nungsang on
View all posts by nungsang →
You must be logged in to post a comment Login