Tanü Pa San Chanu, saka kenü Pa molosongzü ka ama arutsü

Asenoki alima nung angashiba ola asembubaji sangdongba ola- jabaso Tsüngrem (t.7-9). Pai alima rangpenji lokti mulungba nung masü, ozüng sangdong agüja abener. Pai ajak metet, ajaklen alir, aser ajak inyaktsü akok. Tsüngremer ozüngi akoktsü. Tamachi nisungi Pa ozüng aidoktsü makok mesüra Pa ozüng nokdangtsü makok.
Yisü Khrista Pa chir ta Tsüngremi sangdong. Yisuji Tsüngrem lir, aser yimya ajanga, takok ajanga aser shia aruba ajanga Paji chuba lir. Pai tanü yimsü asür, aser Pa ajanga asenoki taküm nung yimsü asütsü akok (Rom 5:17).
Ano Tsüngremi Pa anemer kintemji merangjok agi raksatsütsü ta sangdong. Kodang Pa temeshiba ajok agi obendang agütsüdir, kintemi temulung meyipa masü, anema ayimtentsü. Tsüngremi kintemji Par chir nem agütsüogo (Matt.4:8-10).
Pezübuba olaji telemtetba agiba ola- Tanela Temeshi (t.10-12). Pai asenoki  angazüdaktsüner-shisa kaa alitsü, sayutetba asütsü. Aikati philosophy, psychology aser otsü nung temulung alemer. Iba tazüokba jagi yarir saka Khristantemi mezüngbuba Tsüngrem Tanelai jungkai adoktsüba nung temulung alemtsüla.
Asenoki tenzüktsü mulunga lidaktsüner. Asenoki temenen masü, Kibuba tenzüker. Asenok tetsübu nung tepela dena lir kechiaser Tsüngrem asenok Tebu lir. Nüji bushidang anemertemi tazüokba tashi medeni nüji bushir aser iba dangji ozüng makaba telok ta ajar. Asenok Tsüngrem mesükba nung yanglu. Tsüngrem anema apusoba tetezü pei sasa anemer.
Tanela Temeshi jungtepshidaktsüner. Khrista ajanga Tsüngremi asenok den jungtepshi (T.M 16:31). Yisui Pa asoba aser asüba nung asenok dak tebang mesep. Tanü Pa San Chanu, saka kenü Pa molosongzü ka ama arutsü. Tsüngremji temeshi aser Pai temenen aser anemer teti dangbo meyutsütsü.
Nai shidakba olaji angadar ma? Shirnoki Pa dak tamang ayur parnok temoatsü. Tsüngrem chir asüba ajanga asenok tamang agi kümzük. Na kümzüka lir ma? Mekümzüki lira, Pa ola angang aser Pa dak amangang.