Tanü PM Modi-i Chhattisgarh semdanger

Raipur, February 20 (Agencies): Deobarnü Ato kilonser, Narendra Modi-i Chhattisgarh nung Raipur aser Rajnandgaon district tem semdangtsü aser iba atemaji item district nung security tali akhangshiogo.
Modi-i Rajandgaon kübok Kurrubhat yim nung ‘Rurban mission’ lapoktsütsü aser Naya Raipur nunga scheme aika lapoktsütsü.
Ato kilonser Modi Deobarnep 8:45 ako meta Raipur nung Swami Vivekanand Airport tonga aruba sülen Satya Sai Hospital-i oa Pradhan Mantri Awas Yojna scheme kübok ki yanglutsü atema lung azüngtsütsü. Iba sülen pa Kurrubhat-i oa yangji Shyama Prasad Mukherji Rurban Mission lapoktsütsü.
Modi-isa Naya Raipur nung ‘electronic manufacturing cluster’ atema lung azüngtsütsü.