Tanü PM Modi-i Gujarat semdangtsü

Ahmedabad (Gujarat), October 21 (Agencies): Deobarnü Ato kilonser, Narendra Modi-i Gujarat semdangtsü; Gujarat assembly election atongtsü mapang ana nung lia tan ita kija nung Modi-i iba state asembenbuba semdanger asütsü.
Iba mapang nung Ato kilonseri Bhavnagar aser Vadodara district na nung project balala semzüktsüba den project kar tenzüktsü atema lung azüngtsütsü.
Modi-i Ghogha (Bhavnagar district) aser Dahej (Bharuch) na tsüngda sen crore 615 indang mezüngbuba shilem, ‘roll-on, roll-off (ro-ro)’ ferry service tenzüktsütsü.
Iba servive ajanga jila ana tsüngda gari lenmang kilometer 310 aliba nungi kilometer 30 ajema akumtsü.
Modi-isa Vadodara nung sen crore 1,140 jenjang project 8 tenzüktsütsü.
Ro-ro project tanabuba shilemji ita ana nungbo renemtsü, iba sülen jila ana tsüngda gari-a senzütsü.
Modi Gujarat Chief Minister inyakba mapang 2012 küm January ita nung pai iba project atema lung azüngja liasü.
Vadodara nung Modi-i city command and control centre, Janmahal city transport hub & multi-level parking (PPP), multi-modal city transport hub aser waste-to- energy processing plant semzüktsütsü.
Tanüngba project temji water treatment plant, flyovers ana, deer safari park aser veterinary hospital project lir.
Vadodara ya 2014 küm election nung Modi-i takok anguba Lok Sabha constituency lir aser yaküm October 22 nüa pai Vadodara semdanga liasü.