Tanü PM Modi-i pa adokba LS constituency Varanasi semdangtsü

Varanasi, September 17 (Agencies): Hokolbar nü Ato kilonser Narendra Modi-i pa adokba Lok Sabha constituency, Varanasi semdangtsü aser iba mapang nung pai light aser lenmang dak sentakba tongtibang scheme kar lapoktsüba den külemi Banaras Hindu University nung trauma Centre ka lapoktsüba sülen lokti senden ka nung jembitsü.

Yaküm May ita nung NDA sorkar tashii aruba sülen Modi-i Varanasi tang agi tasembenbuba semdanger asütsü.

Pai taküm June 28 aser July 16 nü Varanasi semdangtsü sentong liasü, ajisüaka tzünglu kanga aruba ajanga thinena liasü.

Yaküm Lok Sabha election nung Uttar Pradesh nung Lok Sabha menden 78 nungi BJP-i menden 71 tashi nung takok ngua liasü.

UP, Varanasi ya Assembly election agitsü mapang ana nung aliba state Bihar nungi kilometer 100 shi pila oor lir.

Bihar election nung Modi lenisüba nung NDA teloktep party temi Samajwadi Party-i lenisüba nung Samajwadi Janata Dal-Democratic, NCP aser National People’s Party (NPP) tem aser Chief Minister Nitish Kumar-i aniba JD(U), RJD aser Congress den tokteptsü.