Tanü PM-SYM pension scheme tenzüktsü

Kohima, Metsüremi/March 04 (TYO): March 5, 2019 anepdang 10:00 ako nung Secretariat Conference Hall, Kohima nung Department of Labour & Employment, Skill Development & Entrepreneurship-i unorganised workers atema Pradhan Mantri Shram Yogi Maandhan (PM-SYM) Pension Scheme tenzüktsü, ta tanü ketdangsertem osang ka ajanga metetdaktsü.
Iba sentong nung Nagaland Chief Secretary, Temjen Toy, IAS-i onük tatsüka jembitsü aser Branch Manager, LIC Kohima, Shelphomran Khaling den Project Officer, Directorate of Labour, T. Chubayanger nati PM-SYM indang tongmelang agi metetdaktsütsü.
Commissioner & Secretary, Labour & Employment, Skill Development & Entrepreneurship, Anenla T. Sato leniba nung iba sentong agitsü; sentong tembangba sülen PM-SYM Pension Cards lemtsütsü aser anepdang 10:40 ako nungi India Ato kilonseri iba sentong tenzüktsüba live sayutsü, ta kasa osang ajanga metetdaktsü.