Tanü putu nung kentenertem ajaki maongka angur: Mika Singh

Mumbai, March 29, 2016: Nüngtugu kentener, Mika Singh-i, tanüasüng kentenertem atemabo iba putu mapang ya kanga junger, ta ashi.

Mumbai nung osangbenertem den jembidang Mika-i, “Tanü putu yabo kentener ajak atema putu tajung ka. Iba mapang ya kanga junger, kong nisung ajaki parnok sempet sayutsü atema maongka angur. Tamalenbo kentener 5-6 shi dang liasü, aser tanüngba kentenertemjibo mapa maliasü (jobless),” ta ashi.

“Tanübo kentener aika lir. Iba ya temelenshi tulu. Nisung ajak parnok sapurtem lir,” ta pai ashi.

“Mauja hi mauja”, “Aaj ki party”, “Jumme ki raat” aser “Gandi baat” kentem, atensang Mika-i, tanüasüngbo kentenertemi maongka jenti angur, ta ashi.

“Tanü-asüngbo audience-i ajak meteta lir. Kü nija libaliro koma alir, ibaji parnoki mesükshir. Ni junga inyakba mapang tashi parnok pelaa alir. Tesüiba kümtem nungi kentenertemi maongka taliba angur, kechiyong parnok ken ka record sür YouTube nung inoktsüteter,” ta Singh-isa ashi.