Tanü Rajnath-i Assam semdangtsü

New Delhi, July 29 (Agencies): Honibarnü Union Home Minister, Rajnath Singh-i tayimtsü nungi Assam nung tzümetsüng agi kongshia aliba tesemtem reprangdangtsü.
Rajnath den Union Minister of State for Home, Kiren Rijiju aser DoNER Minister, Jitendra Singh nungeri Nagaon aser Morigaon district den Kaziranga National Park nung tzümetsüng tensa asadangtsü.
Home Minister-isa Morigaon district nung tzümetsüng agi kongshia alir tem jenoka alidak, Bhagatgaon camp semdangtsü, ta sorkar sangdong ka ajanga ashi.
Rajnath-i Assam Chief Minister, Sarbananda Sonowal aser state sorkar ketdangsertem den senden ka amenba sülen nikongdang Delhi-i meyipa aotsü.
Assam nung tzümetsüng tensa tamajungba küma ano nisung pongu süogo, ibaji züngsemabo ajak agi nisung 21 tashi süogo.
Tan state nung tzümetsüng tensa ajanga district 22 kübok yim 3,374 nungi nisung lakh 18 jungnüa kongshia lir.