Tanü Smriti Nagaland-i arutsü

Kohima, Oct 1 (TYO): Chuchuyimlang nung Mahatma Gandhi Academy of Human Development reju ka semzüktsütsü asoshi asüng Hokolbar nü Union Human Resource Development (HRD) Minister, Smriti Irani arutsü.
Iba reju ya Nagaland Gandhi Ashram, Chuchuyimlang aser Tata Institute of Social Sciences, Mumbai na longjemer lapoker.
Iba reju semzükba sentong ya asüng Hokolbar anüngdang 11:30 ako nung alitsü. Iba sentong nung Chief Minister, T.R.Zeliang aser National Highhways minister Wb.Nuklutoshi na adentsü. Parnok den külemi iba sentong nung adentsü purtem rongnung tongtibang nisungji Chuchuyimlang nung Gandhi Ashram amenoksang, Natwar Thakkar, Tata Institute of Social Sciences, Mumbai nung Director, Prof S Parasuraman, Hans Foundation, New Delhi nung CEO Lt Gen (Retd) S M Mehta nungertem adentsü.
Iba reju nung MSW den ano Social Work aser Entrepreneurship nung diploma course agüja taküm küm November ita nungi tenzüktsü.