Tanü sorkar office sodi malitsü

New Delhi, June 20 (Agencies): India linüki International Yoga Day amungba anogo, Mongolbarnü public holiday malitsü aser Centre sorkar mapa inyaktertem atemabo yoga ya voluntary asütsü, ta osang ka ajanga metetdaktsü.
Hombarnü Department of Personnel & Training (DoPT) tongti ketdangser kati, “Asüng sodi malitsü aser sorkar office ajak lapoktsü,” ta metetdaktsü.
Centre sorkari sorkar mapa inyaker ajaki yoga nung shilem agitsü atema tuyua mali, ta paisa ashi.
“Iba (yoga) nung ya temulungertemi dang shilem agitsü. Linük tesem ajaklen yoga sentong balala nung adentsü atema sorkar mapa inyakertem atema nüngdakbatem achaayangtsüogo,” ta ketdangserisa ashi.
Centre sorkar mapa inyaker nisung lakh 50 shi lir.
2buba International Yoga Day atema linük nung sentong lakh ka dak tema ayongzüka lir. Item rongnung regional-level sentong tulu 10 densema lir, aser item sentongji Varanasi, Imphal, Jammu, Shimla, Vadodara, Lucknow, Bengaluru, Vijayawada, Bhubaneshwar aser Hoshiarpur nung agitsü.
Yoga sentong tongtibangbaji Chandigarh nung agitsü aser iba sentong nung Ato kilonser, Narendra Modi adentsü.
Ano linük nung University 391, college 16,000 aser school 12,000 nung yoga sentong agitsü.