Tanü Tir Pranab-i Padma Awards agütsütsü

New Delhi, March 27 (Agencies) : Asüng Tir Pranab Mukherjee-i nisung takotet nisung 56 nem Padma awards agütsütsü aser sempet angutsüpurtem rongnung Reliance Industries tenzüksang asür Dhirubhai Ambani, taoba Jammu & Kashmir angh Jagmohan, actor tem Anupam Kher o Ajay Devgn aser badminton asayar Saina Nehwal nungertem dena lir.
Rashtrapati Bhavan nung Civil Investiture Ceremony agidang Padma awards agütsütsü aser Art of Living tenzüker Sri Sri Ravi Shankar, tsüngsanger mongin Yamini Krishnamurti, taoba CAG Vinod Rai, film yanglur Madhur Bhandarkar aser chef Mohammed Imtiaz Qureshi nungertemia iba sempet agizüktsü.
Iba sentong nung Tir Pranab Mukherjee Padma Vibhushan 5, Padma Bhushan 8 aser Padma Shri awards 43 agütsütsü.
Padma Vishushan angurtemji Dhirubhai Hirachand Ambani (posthumous), Avinash Kamalakar Dixit, Jagmohan, Yamini Krishnamuthi aser Sri Sri Ravi Shankar nunger lir aser Padma Bhushan angurtemji Hafeez Sorabe Contractor, Barjinder Singh Hamdard, Anupam Pushkarnath Kher, Pallonji Shapoorji Mistry, Saina Nehwal, Vinod Rai, Alla Ventaka Rama Rao aser Duvvur Nageshwar Reddy nunger alitsü.
Padma Shri angutsüpur parnok nisung 43 rongnung Mylswamy Annadurai, Madhur R Bhandarkar, Ajay Devgn, Deepika Kumari aser Mohammed Imtiaz Qureshi nungertem dena lir.
Taküm Republic Day amungtsü anogo ka jakdang sorkari takotet nisung 112 nem Padma awards agütsütsü osang metetdaktsü.
Taruba ita sentong balaka ayongzüka agidang actor Rajinikanth, actor Priyanka Chopra aser tennis asayar Sania Mirza nunger nem sempettem agütsütsü.