Tanü UP election shilem asembuba agitsü

Lucknow, February 18 (Agencies): Uttar Pradesh Assembly election shilem asembuba nung menden 69 atema Deobarnü state kübok district 12 nung election agitsü.
Vote agütsütsüpur nisung crore 2.41-i candidate 826 nungi parnok 69 shimtsü.
February 19, 2017 nü vote agutsütsüpur rongnung tebur crore 1.31, tetsür crore 1.10 crore aser enoch 1,026 lir, ta polling ketdangser kati ashi.
Iba shilem nung polling centre 16,671 aser polling station 25,603 lir.
Deobarnep 7:00 ako nungi vote agütsütsü district 12 ji- Farrukhabad, Mainpuri, Etawah, Hardoi, Kannauj, Kanpur rural, Kanpur city, Unnao, Lucknow, Barabanki, Auraiyya aser Sitapur lir.
Iba election nung tongtibang candidate tem rongnung Minister temji- Arvind Singh ‘Gop’, Fareed Mehfooz Kidwai, Vijay Bahadur Pal, Abhishek Mishra, Nitin Agarwal, Narendra Verma aser Rajeev Kumar Singh nunger den taoba Minister Shivpal Singh Yadav nunger lir.
Candidates timtibaji Chief Minister, Akhilesh Yadav’er jila, Etawah nung candidate 21 lir, aser candidate tajemtibaji Haidergarh assembly constituency nung asem lir.
Ano Lucknow Central aser Lucknow West naprong nung candidate 17 lir aser Farrukhabad o Bhojpur naprong nung candidate 20 lir.
2012 assembly election nung item menden 69 nung Samajwadi Party (SP)-i menden 55 nung takok ngua liasü.
Tanüngba menden rongnung Bahujan Samaj Party (BSP)-i menden trok, Bharatiya Janata Party (BJP)-i menden pongu, Congress-i menden ana aser menden kaji independent candidate-i ngua liasü.
Tan election nungbo Mulayam Singh Yadav-i SP atema nübo meyimtsü.