Tanü Yirusalem Asadangba

~    I.Imdang Ozüküm AGM BSNL

1. Iba Yirusalem ya aki mapang nung küm noklang ka sür lir 140 tejaklen shisa takar tanüla temeshi akaba nisungtem ajanga yim tasen tilaka nungi arua teyongtsü ka nung anasa aliba yim temeket nung alir dang asüngdanger aküm südi ta pilemer, aser area tiyong ka nung küma lir ta ashir.

2. Idaki ashi ama Yirusalemji ajaki temeshi yimti ta ajaki jembi nungji kanga tasüngtet aser temeshipur tem dang alitsü südi aser keni Kodak nung tetsüng kelenbo ajemoker tetsüng kelen dang alima nung ajemeta aliba purtem dang ta asen alima nung alirtemi repranger.
3. Aser idaki tenük agi manguba phareses, Saduces Eccence telok parnokji yimya agi Yirusalem nung Alirji tenük agi manguba pangsemo talanglang ponger süpoksü talanglang semer ni Phareses, saduces Eccence, ta parnoki ozüng 613 den (amoshiaozüng), ano parnoki political ozüng inok, phareses. Saduces Eccence, parnok ajak tajitsü nung kanga menüremtepa dang alir, aser tangar danga Parnok meputep ji kecha mali amai kanga majitetdaktsünür.
4. Parnok inyaksangshi aser libaliru jembishinü nung nüpurtemi parnok ana danga putepa malibaji meteta dang lir ta asü kechiyong parnok na arishiteper aser ni tuluba ni tuluba ta rongsen nung aser qualification nung toktepba tanülar wadang kechi memetetbaji ajaki metet.
5. Ano, phareses. Saduces Eccence temi inyakba mapa tulutibaji Küm tepeyong parnok senzütsü melen area Arogo ajak tatishitsü agi Sartia Smerna Phelatelphea Perkama Laodekiaetc, etc, etc, etc nung ita züngkaküt nung ajakji inoker arogopur anishir aser arogotem pei (Every Local Church is independent) arogo shiaji Khrista dak dang metaloker independent ta masü aser (Christ is the head of the church) Khrista ji dang arogo nung tekolak ta masü, Saka, phareses. Saduces Eccence, item ya ang tokolak kümer Tanüla temeshi-i molungba kechi ta masü, Yisu khrista leniba masü saka phareses. Saduces Eccence ozüng lenisüba nung liasü.
6. Iba lima nung Bth azüngerbo teimba magir aser Doctor, Mth. BD, M Div, Saka Town nung danga shi yimtsüng nung melinür. Item tazüngertem yagi iba Yirusalem nung alitsü kanga merangteper saka (ozüng lir) küm 5 Reverend ngur ang item Yirusalem nung inyaktsü akok.
7. Item ozüng talenba ji kanga dang takang, saka politic aten nung mapang madongdang mesüra Advertisement adoker interview magi dang back door ta asüba nung mapai anioker. Aser Kodang Yirusalem nung Nisung tem mungdang sentep, Bethlihim nung Caisar Augusta-i ozüng agütsür tenüng zülutsü sentepdaktsür pei pei tanendak pushitepa nanüng tulu atoka pangsen pangrak kar magitsü kar agitsü ta, temalen alisangi kechi koma repranga alitsü memetet Item tamanger pei jembinüba mongdang sa mongdangtepli ta Yirusalem nungji liasü.
8. Item Yirusalem nung KISURTEM-i Koba LONG magi???? Kechiyong parnok sati kolizüng kaküt idaka mali nungji Decon Magitsü lemteta ayu. Mashi mashi Devotional sentep magütsütsü Yirusalem lima laishir, phareses. Saduces Eccence temi anir yanglua ayu,
9. Koba Kisürtemi Magi? Aika kinük nung tongtiba küma lir, Tsüngremi Shimtetbaji nisungi maginüyonga kinük nung danga tenzüker tem aika liasü aser alitsü saka phareses, Saduces Eccencetemji tanüla temeshi makaba purtem liasü nungji Ya tanga masü saka ibai Kodak kikümpang ta asüba nungji nokdakayur paia mejembiteter aser tangar nüma jembitsü magütsür, Kodak kikümpang shipanga nokdak, Aser oda item phareses. Saduces Eccence ozüng amertem yagi sentsü aketer aser taka taiter tem atemabo Yirusalem lima nungji ozüngji menungdakisa amshia liasü,
10. Anungji Yisui yamai ashi Nenok kikümbang nung nokdaka yur nenoka mair aser dangara meidaktsür, Yisui ashi Nenok phareses, anemsübatem aiatai, aiatai, aiatai, nenok Pharesebatem leper temesungba tem, aiatai ta Yisui ashi.
11. Item Anogo nung arogo nung teka amteper temji tanür bener teka amtepba, tangar den tanür yur teka amtepba, shi azü ajema nükdapangdar ang teka amtepba, kidong aliba, ajioda süaka Iba Yirusalem lima nungji Parnok sentepi marudangi aliyonga, yi drug achiyonga, kinungtsü yur tangar den senzüyonga, Kinungpo yur tangar den senzüyonga teka amtepa aliasü mali? Aji dang nüngdak ta sür Arogo Nungji tenzüker rongnungji sa shima liasü,
12. Teka amtepertem denjibo noklangben agi teimba Yamaji asüyonga Yirusalem Lima sünga alar ama yimti yimdong sünga telok sa telok alar ama, saka tashir tazünger takar aika (satikoli) teka amteper küpok nongzütepa liasu. Aser Pharesetemi kangaTenem talang ka nungi tekübokleni ajizüka yok nung tarok nung luaki teka mamtepertemji ali amai sa liasü ta ashir. Aser teka mamtepertem jagi tenla magütsü nung arogo temji aser Yirusalem nung order dang süa amener aser Orentation nung dang aotsü ta asüba telokjia teimtem alutsü amai Yirusalem temeket aser par lima alir nungnungtep ta ashir.
13. Anungji kenbo Yirusalem lima nungji Sadducees-i manguba telok tenteter telok balaka aotsü Kanga tsüputepa liasü kechiyong parnok telokji kangasa tuluba liasü Ajisaka, lemsabaji Tsüngremi mulungba masü, anungji (leader)Tanishir masü, tanidaker teimba asütsü, nüngdak ta parnoki angatet.
14. Aji saka tashi manga aika tanüla temeshi tenyaba angaa paul ama onoki nisung dangbo Tsüngrem ang tsübutsü aser Pa ojembitsü aser Pa mapa inyaktsü, ta sür mapang mali ta meteta mazüngi jajaba telok aika atok.
(Tapak 4 nungi…)
15. Saka iba lima Pharesebatem aikati tenuk merem adok aser parnok mapa anema nemnem ta otsü jagi ashir, Kecgiyong parnokia meinyakteter aser tangari tajung inyakbajia majinur ta Pharesebatem aika liasu.Kechiaser parnoki pei-i metetbaji dang shidak ta teti pilemer.Saka Arogo nung nisung shiaji teniktelen kaka ta alishi nung tashi mangaba,saka Tsüngrem atemabo tasgi angaba purtemi angatet nung tatala mezüngmeshi nukmerem mokokaji küpok apudaker parnoki taküm, rongsen, mapang,sempet, ajak agi tenlaa parnoki mazüngi teimtem lendong tekangshi tasutsüa mesasai, senzü ta otsü jagi ashir.
16. Saka Pharesies aser amala item tenla sen bendenba chir tanüla samaba memetet.Synagogue nung danger num chance magütsüi san tenunga memeteti parnok Status nung temulung lemer tanüla samaba memeteti pangsemo talanglang punger sepotsü talanglang Item deni ni küsa masu, niozüng 613ji shidak benfhir, aser tenla aser tershilem agütsür ta sen talep tenla sapang nung nung amendaka yutsü. Amitsüri agseta atoli ka agütsüba ang Tsüngremi agizük ama,
17. Teka mamtepyonga AU;AU: AU; ta jangratema nangzüker shisapulu mali Tsüngrem tsüng dang aser nisung tsüngdang nangzükba Purtemji kanga tashi ita aser tasuita kecha akmesentsü makai Tsüngrem tenzükba nung nokdak Aser parnok mapa nung Tsüngrem aten aser Tebu Tsüngremi Samuel ainker dang ashi ama, Nai nai pa asoajen tepur ajung sentsü ajung tereprang saka Ni koba nisung shimtet aji nai Totsü mezüja sarasademjang, parnoki tepor majung asoajen majung mepilemer kechiyong Yermaia kaküt nung shia aliba ama parnok teret nung mi poka alia ma aronger, anungji Aji soittsü makok nung tajaba ola angashi dang aotsüsa kümli ta asur.
18. Akidangbo Yirusalem nungi Sayutsünger arua lir ta asudang synagogue mesemi nisungtemji Sentep nupurtem kanga temoatsü kanga angu, Saka ina Yirusalem ya tanüri tereprangiang aor aser Yimkümer semchirtemi sa arua repranger ta otsü jagi ashir.Tanga masu akidang Yimkümer temi yangluba ki aser parnoki atemba sungtongji ang reprangtsü Tongtipangba liasu aser synagogue kipuri parnok aru maru metet asu memetet, meshitet.
19. Synagogue tongtipur temi anir taputabu tenung atemet temalen nungi mi tanüla temeshi Milak jazüka ayongjen ayonger.Saka parnok aika tangatetba aser mangatetba purtem pusatepa jembitepa ashir, Nineveh nungerbo Chubai anir anemsu abener alinung lishi mezüa lomia chi mechiyongi temenen nangzük shiruru tashi tzüa mejemdaktsü.ta aikati pilema jembi.
20. Ano aikati sute agir necktie agir menden nung romal agi aitokerang amenba jagi koma Nineveh chuba ama alinung juzüa apozüa aser lishi mezüa pei temenen bushia nangzüktsü ta aikati pei sasa aser tangaria parnok atema bilema ,Nineveh nunger otsü angashidang Tila akümtsüji kangasa tasak ta pilemtepba koma sur Milak jazüktsü ta tulu tila ajaki kangasa asuktema anunger,saka tila mekümtet ta otsü jagi ashi.
21. Ashiba agi ibala yabo sdanderd agibo tanüla temeshi milak ji maiter, aser ni metet, ni tuluba, ta ni tashiba ta, ni alep, ni atsüng,ta ozü kin tuluba, ozü Yirusalem tuluba,ta pei dak dang temulung lemer aliba nisung,(self esdeem) danger küpoki maiba synagogue kibur supoksu talanglang sopur alirtem,aser item amala aliba pur dangi iba milak malu; kechiyong parnok danger den putepa masu ta otsü jempir jagi ashir.
22. Temulung ka dang, pristage mamshir,ajak den kesa Sayutsüngir tulutiba Pauli ni tilatiba ta ashi, pa pharese nunger ozüng ajak meteta amshiba, lawyer, Israel nunger,greek senso, Rome senso,aser agi dang inyakba yimya dang tang tashi Synagogue nung inyakba nung temulung lemer pai shidak dang inyaker ta pilem aser Khrista akaba tanüla temeshi agizükba pur mezüngmeshir aser synagogue nunng itemji fronti marudaktsütsü meranger.
23. Kodang Paul dak Damuscus among nung nung Kibuba Yisui (light) tesangwa ka yaloktsü Pai Yisu ajuruba ama, iba tesangwa Synagogue kiburtem dak temalen nungi tesangwa yaloktsüba memetetlir Synagogue kiburi Yisui pa maso dang pa indang zülua aliba Yisui ashi nung Synagogue kiburi menutsü ama,mazünger nisung dak, kinuk nisung dak, Tanüla temeshi-i jembia mapa inyakba ngua iba lima nungji temenutsü, tarishi, tatala, aika bener aba oba ta ayimtenba tanüla ka bener alirtem merangangni ta ayimoktsüba ola aikati angashi ta otsü jagi ashir. Tangatetba nung azünger ajak moajang Amen.