Tanüla temeshi mapa

Aser nenokbo Temeshiba nungi mezüja shimtetba angu aser nenoki ajak metet (1 Yn. 2:20).
Aser koda Tsüngremi Tanela Temeshi aser ain agi Nazaret nunger Yisu shimtet aser Tsüngrem Pa den dena ali nung pai tajung inyaka, aser mojingi kangshiba ajak anebja senzü, yaa nenoki metet (T.M. 10:38). Kechiyong Pa dak tabensa ajak alitsü asoshi, aser Pa kangki zü ajanga yimjung yanglua, alima nung aliba süshia, kotak nung aliba süshia, ajak Pa ajanga Tebui peisasa den putepdaktsütsü temulung chia liasü (Kol. 1:19,20). Kechiaser Pa teperiba nungi asenok ajak shilem lemzük, aser Pa teperiba nungi asenok ajaki shilem lemzük, aser temoatsü madak temoatsü angu (Yn. 1:16).
Nai kü kolak nung totzü mezütsür (T.Ken 23:5). Pa nungi nenoki kechi mezüja shimtetba angu, aji nenok dak ali nung, kari nenok dang sayutsü, aji nenok tenüngdaktsü maka. Saka pai mezüja shimtetba jagi kechisarena indang nenok dang sayu nung, aser aji ochi asünung, tiyazü masü, aser aji agi koda nenok dang sayu, aji oda nenok Pa dak liang (1 Yn. 2:27). Saka Teyarir, aji Tanela Temeshi, shiba Tebui kü nüng nung yoktsü, Pai nenok dang ashiba ajak bilemtetdaktsütsü (Yn. 14:26).
Aser yamajisa Tanelaia asen mokokmin yarir, kechiyong asenoki koda sarasademtsü tim aji memetet. Saka Tanelai Pa sasa asenok asoshi mejembitetba tanüngba agi mepishitsür (Rom 8:26).
O Tanela Temeshi, Na kü mulungjangi arung aser Tebui mulungba ama sarasademtsü kü dang sayuang. Amen.