Tanur 110690 nem MR Vaccine agütsüogo

Dimapur, Mongputeni (October) 6 (TYO): Department of Health & Family Welfare-i MR Vaccination Campaign anogo asembuba agidang tanur 27665 nem mozü agütsüogo.
State kübok tesem balala nung sessions 416 agiogo aser iba osang zülu tashi nung district balala nung tanur 110690 nem mozü agütsüba angazükogo, ta Directorate of Health & Family Welfare, Medical Officer UIP Dr. G.R Rio-i sangdong ka nung ashi.
India-i 2020 tashi nung Measles samatsütsü aser Rubella azüoktsü atema bangzünga lir. Linük kübok state aika nung MR Vaccination Campaign agiogo aser iba mapang tanur crore 12 nem mozü agütsüogo, ta paisa ashi.
State 20 tashi nung MR Vaccination Campaign agiogo aser tang state 7 nung tagidak lir. North-East India nung Mizoram, Manipur aser Arunachal Pradesh nung MR Vaccination Campaign agiogo.
Tsüraburtemi mozü agütsüba anogo pei tanurtem school-i yoktsü mepishir, ta Dr. G.R Rio-isa metetdaktsü.
Osang tejangja metetnürtemi Senior Medical Officers, Medical Officers, anasa aliba Health Centers nung ANMs aser ASHAs den tongteptsü metetdaktsür, ta paisa shisem.