Tanur 3,23,308 nem MR mozü agütsüogo

Dimapur, Mongputeni (October) 22 (TYO): October 21, 2018 tashi nung Nagaland nung tanur 3,23,308 nem Measles aser Rubella indang vaccine agütsüogo.
MRVC tenzüker anogo 19 buba tashi nung school 2,679 aser outreach sessions 1,013 ajanga tanur lakh 3 dak tema nem mozü agütsüogo.
Department-i tanen makai iba mapa inyaker aser Puja sodi mapang nunga health facility ajak lapoka tanur nem mozü agütsü.
October 3, 2018 nungi department ketdangsertem aser health worker temi anibelem arema mapa inyakba ajanga dang iba tashi tongtetogo.
Measles aser Rubella tashidak nungi tanurtem jenbua lidaktsütsü atema nisung ajaki ita 9 tain nungi arishi küm 15 tain tanur ajak nem mozü agütsütsü atema yariteptsü mepishir, ta H&FW department-i metetdaktsü.