Tanur 53.18% nem MR mozü agütsüogo

Dimapur, Mongputeni (October) 14 (TYO): Nagaland nung Measles Rubella Vaccination Campaign (MRVC) tenzüker anogo 10 buba nung tanur 53.18% nem mozü agütsüogo, ta Department of Health & Family Welfare-i ashi.
Iba amai mapang tatsüka tsüngda mapa tulu inyaktetba atema Administration, District ketdangser aser health workers ajak dang kanga pelar, ta parnokisa shisem.
Tanur 2,49,577 nem measles aser rubella tashidak anema mozü agütsütettsüsa school, village council, mulungtet telok aser public-i tamang kaa yaritepba atema kanga pelar, ta H&FW department-isa metetdaktsü.
October 12, 2018 tashi nung Nagaland ajungalen school 2,374 aser outreach sessions 659 nung tanur lakh 2 ser meyirjang tenem shi ka nem mozü agütsüogo, ta parnokisa shisem.