Tanur actor Meet Mukhi sapua akümer

January 08, 2016: Tanur actor Meet Mukhi-i “Sapne Suhane Ladakpan Ke” aser “Bal Gopal Kare Dhamaal” film tem nung shilem agiba ajanga kanga nüngtugu aküm. Pa ano TV sentong “Sankat Mochan Mahabali Hanuman” nung Bal Ram ama shilem agitsü sentong lir.
Arishi küm 9 tanur, Meet-i “Ramayana” otsü nung ya tongti shilem ka agitsü.
“Iba TV sentong nung Bal Ram shilem agidaktsütsü asoshi onoki kanga ashishia shima liasü. Iba shilem asoshi tanur aika audition nung aden aser parnok rongnung Meet Muikhi shimtet.
Pa joko iba shilem agia video tangoktsü tenzükogo aser kobi meli screen nung angutsü,” ta production tesem nungi sangdong ka ajanga ashi.
“Sankat Mochan Mahabali Hanuman” ya Sony Entertainment Television nung sayudar aser iba ya Lord Hanuman dak sentakba otsü lir.
Meet-i “My Friend Pinto” aser “Rowdy Rathore” film tem nunga shilem agia lir.