Tanur lakh 2 tema nem MR Mozü agütsüogo

Dimapur, Mongputeni (October) 12 (TYO): Nagaland nung Measles Rubella Vaccination Campaign tenzüker October 10, 2018 nü school tanur 2078 aser outreach sessions nung tanur 490 nem mozü agütsüogo.
Parnok züngsema tang tashi nung Nagaland kübok tanur 2,10,515 nem MR mozü agütsüogo aser ibaji alizüng ayuba nung 44.86% lir.
Tang tashi nung AEFI onük kecha mali aser Campaign inyaktsü atema hopta pezü anünga lir. Iba mapang MRVC alizüng ayuba tonga inyaktsü Department-i imlar.
Nagaland kübok yimtsüng, kiyong aser mepu ajak nung outreach sessions ayonga agidar. Anungji school nung mozü magirtemi nenok anasa aliba health facility aser outreach session agidaki oa mozü agitsü ayongzüker ta H&FW Department-i metetdaktsü.

You must be logged in to post a comment Login