Tanur lakh 3.3 nem M-R mozü agütsüogo

Kohima, Mongputeni (October) 23 (TYO): Department of Health and Family Welfare-i October 3, 2018 nungi tenzüker yashi tashi nung Measles-Rubella Vaccination Campaign inyaka arudang tanur 3,30,292 nem mozü agütsüogo.
Directorate of Health & Family Welfare nung Deputy Director (UIP) Nagaland, Dr. Razuokhrieu Rio-i ashiba agi, school 2,686 aser outreach sessions 1,086 agidang tanur lakh asem ser meyirjang semer tema nem mozüji agütsü.
Tang tashi nung Nagaland nung tanur noklang nung 73.64% nem mozü agütsüogo, ta department osang ka ajanga ashi.