New Delhi, January 11 (Agencies): Hombar nü Supreme Court (SC)-i, tashiyim amshia tanur raksatsüba ken o nung aitsürtem aser tanurtem anema inyakertem nem ano temerenshi tesashiba agütsütsü atema Parliament-i ozüng tesashiba kar latettsüa akok, ta metetdaktsü.
Tashiyim amshia tanur raksatsürtem indang miim oset/tatsüjang rangtoktsütsüla ta Supreme Court Women Lawyers Association-i benokba temepishiba angadangba mapang Justice Dipak Misra-i aniba SC bench-i, tanur anema aibelenertem anema ano ozüng tesashiba latettsüa akok, ta ashi.
Attorney General Mukul Rohatgi-i, ozüng latettsü tashiji Parliament dak keta lir, aser kasaji court-i benoka meinyaktettsü ta ashiba oji court-i agizüka yuogo.
You must be logged in to post a comment Login