Tanur tetsürtem yaritsüla: PB Acharya

Dimapur, January 25 (TYO): January 24 nü New Delhi nung National Girl Child Day benjung amungdang Nagaland nem Beti Bachao Beti Padhao (BBBP) sempet agütsüba atema Nagaland Governor PB Acharya-i Department of Social Welfare aser Nagaland nung alir nem tenüngsang agütsü.
Iba ya Nagaland aser yangi aliba sensotem atema nüma atangba mapang ka lir. Tanü tetsürtemi wadang ajak nung tajungtiba tongteter aser otsü tasentem yangluteter. Anungji tetsürtemi tim akhüm angutsü atema nübortem tangatetba melenshitsü nüngdaker, ta Governor Acharya-i ashi.
Paisa civil society tem, kija aser lokti lennirtemi tanur tetsür ka shisaliok angazükdaktsütsü atema yaritsü ayongzük.
Tesüiba küm 3 tsüngda Raj Bhavan-i telok aser kija balala teyari ajanga tanur tetsür 390 yariogo.
Iba mapa atema State Bank of India, Kohima branch nung Bank Account No. 35843617072 lapoka lir.