Tanurtem atema SLSMEE exhibition agi

Dimapur, March 31 (TYO) : Department of School Education-i tanurtem atema SLSMEE exhibition 2015-16 RGHSS, Kohima nung ayongzüka agi.
March 30, 2016 nü parnoki NCERT, New Delhi den yaritepa “Science and Mathematics for Inclusive Development” omen nung ajemdaker iba sentong agi.
Iba sentongji Director of School Education, Senthang-i lapoktsü aser tongti süa jaokerji SLSMEE, NCERT, New Delhi Co-ordinator, R.R. Koireng liasü.
Tetoktepba nung LFHSS, Kohima nungi Esther Longchar & Chubainla Jamir nati ‘Organic Capsicum, Spy Relapse medicated spray & Aeroplast blanket’ atema mezüngbuba jenjang aser Zakiesato Memorial HSS Dimapur nungi Nitish Kumar Chaudry-i  ‘Earthquake alarm’ atema tanabuba jenjang takoktem angu.