Taoba Assam CM Gogoi-i Centre aser state sorkar aitsü

Guwahati, August 17 (Agencies): Assam nung tzümetsüng tensa tajungba makümba ajanga Northeast tesem aser linük nung tanungba tesem tsüngda tangtashi railway ajanga mesendaktepteti lir.
Ghonda 24 tsüngda nung tzümetsüng lendong nung nisung 11 asüba angazükogo aser Chief Minister iba tensa osang PM nem agütsütsü asoshi New Delhi-iogo.
Iba ken o dak sendakba nung Taoba Assam CM Tarun Gogoi-i tanü Assam nung tzümetsüng lendong ataloka aliba temolung agüja mereprangba atema Centre sorkar aitsüogo, paisa state sorkari centre sorkar ajungshitsü asoshi tamakok anguba atema aitsüogo.
Ketdangsertemi tzümetsüng dak sendakba nung osang agütsüba nung ashiba agi, yashi tashi nung nisung 11 süogo. District 24 nung nisung lakh 33.45 tzümetsüng agi kongshir kangshidar aser Brahmaputra dena ayong tongti trok tesem balala nung lendong temaitsü agüja aliba adena atur yimdar. State ajunga nung relief camp 300 dak tali nung nisung lakh 1.50 jenoka lir.