Taoba Bangladesh PM, Zia bail nung chioker

Dhaka,Metsüremi 12 (Agencies) : Taoba Bangladesh Ato Kilonser aser opposition lenir, Khaleda Zia tepuokdak nungi bail nung chioktsü atema tanü Tentonü court kati temelaba agütsüogo, ta lar okatsüri metetdaktsüogo.
“Madam Zia ita pezü bail nung chioktsü atema court-i ozüng agütsüogo,” ta lar okatsür tenüng agi Zainul Abedin-i osangbenertem den jembidang metetdaktsü.
Zainul-isa ashiba agi, arishi küm 72 tain, Zia ya ochimashiba maparen nung ajemdaker küm pongu atema tepuokdaki yok saka ita ka dang lir tang bail nung chioker.
Yashi court nungi iba ken o dak sendakba kakettem ngutetba sülen Justice M Enayetur Rahim aser Justice Shahidul Karim nati iba telemtetbaji agütsü.
Zia Charitable Trust kija nungi danga sen taka 31.5 million agizüka amshiba atema Zia aser la den yaritepertem aitsü.
Ano sen taka, 21.5 million agizüka agiba nunga lar jabaso tambusang densema lai aniba nisung pongu aija lir.