Taoba CM tem Hornbill Benjung nung adentsü jaoker

Dimapur, Yimpoksüi (November) 27 (TYO): Nagaland Chief Minister Neiphiu Rio-i taoba mapang Chief Minister tem Hornbill Festival lapokba sentong nung adentsü pelashishia jaokogo.
December 1, 2018 nü Naga Heritage Village, Kisama nung 19 buba Hornbill Benjung lapokba sentong nung Dr. S.C. Jamir, K.L. Chishi, T.R. Zeliang aser Dr. Shurhozelie Liezietsu nungertem adentsü jaokogo, ta Media Cell, Chief Minister’s Office-i metetdaktsü.
Nagaland nung taoba Chief Minister tem ama parnok Union Home Minister Rajnath Singh aser Ambassador of the United States of America to India Kenneth I. Jester na den külemi amentsü atema sabang nung mendentem mekazüka yutsüogo.
Taoba Chief Minister tem dangi personal invitations yokogo aser Hornbill Benjung asoshi Chief Host ji Nagaland Governor aser Host ji Chief Minister lir, ta Media Cell-isa metetdaktsü.