New Delhi, May 31 (Agencies): Delhi Police Commissioner mapa inyakdang BS Bassi-i AAP sorkar den kodamasüba tensa aika ajangshia aruogo, aser Mongolbarnü pa küm pongu atema UPSC züngsem shimogo.
Arishi küm 60 Bassi Union Public Service Commission (UPSC) nung züngsem asütsü atema sorkari agizükogo.
IAS aser IPS densema ketdangsertem shimtsü atema UPSC-i civil services tatidang ketdangsüa agir. Iba Commission nung timba agi züngsem 10 dang alitsü akok.
1977 batch IPS officer, Bassi ya küm 60 ajungba sülen taküm February ita nung Delhi Police tongti menden nungi anisüngzüka liasü.
Pa 2021 küm February ita tashi UPSC züngsem asütsü. India Temzüng nung UPSC züngsem ka kümsükji timba agi küm 6 mesüra arishi küm 65 mabensa tashi ta lateta lir.
Tang UPSC nung mendenbuba, Deepak Gupta kübok züngsemtemji- Alka Sirohi, David R Syiemlieh, Manbir Singh, taoba Navy Vice Chief DK Dewan, Vinay Mittal, Chhatar Singh, Prof Hem Chandra, Arvind Saxena aser Prof Pradeep Kumar Joshi nunger lir.
Iba Commission nung züngsemtem ya IAS, IPS aser All India services densema lenla balala nungi shimba mongintem lir.
Iba Commission nung taoba mapang CBI Director, A P Singh-a züngsem liasü, ajisüaka bendanglen shi ayoker, Moin Qureshi indang ken o nung pa tenüng densemba ajanga yaküm January ita nung pai sodi meshi.
You must be logged in to post a comment Login