Taoba DHD tekolakba BJP toktsür Congress nung aden

Haflong, Aenjeti/January 3 (Agencies): North Cachar Hills Autonomous Council election agitsü anogo tonga aruba mapang ka nung Bharatiya Janata Party (BJP) district unit yongtsü nung council election atema menden alemba tsütsü mepetmesü adoka lir.
Dima Hasao district BJP yongtsü nung mangatetep aliba ajanga taoba Dima Halam Daogah (DHD) tekolakba Dilip Nunisa-i BJP toktsür Brehostibarnü Indian National Congress nung denogo, koba BJP pur asoshi takoksa tulu ka asütsü.
Council election matong tsüngda iba temelenshi ajanga district nung tang yimsü tesüdak aliba party kanga mejungi anokshitsüogo.
Temetettsükaji Nunisa shiba Diyungmukh constituency tenüng nung joko mapang tatsüka inyaka arudar, iba tesem nung terenlok bener maruba reprangtetogo.
Iba dak sendakba nung pa nem taruba election atema party ticket magütsü, ibayongji pai party toktsütsüsa aküm.
Tang Nunisa taruba Council elections nung 24 Hamri constituency nung Congress ticket nungi tokteptsü asoshi renema lir.
Nunisa shibai BJP ticket ticket meshia liasü, pa Yangtepnü Congress ticket nungi nomination file süogo.
North Cachar Hills Autonomous Council election January 19 nü agitsü asoshi renema lir.
Taküm election ya balaka asütsü ajaki imlaa atar kechiyong BJP ticket mangurtem independent candidate ama nomination file süogo.