Taoba DIG Jorhat nung sür lia ngutet

Guwahati, May 16 (Agencies): Taoba Assam deputy inspector general (DIG) Hombar nü Jorhat kübok Kenduguri tesem nung kilentzü ka nung sür lia ngutetogo.
Tasüsang ya taoba mapang Assam police DIG Prabin Saikia ta jangjaogo. Saikai ya küm 4 tejakdang mapa nungi anena liasü.
Osang ajanga ashiba agi, Saikia ya Deobar aonung nungi samara bushitepa liasü. Pa Deobar nikongtsütsü Kenduguri nung bihu sentong nung adentsü asoshi ao.
Kasa mapang nung poice temi ashiba agi, “Tasümang post-mortem atema yokogo aser iba osang aruba sülen ang kechi agi asüar jangjatsü.”
Prabin Saikia ya 2014 kü DIG nung mapa nungi manen tsüngda, deputy inspector general training, eastern range deputy inspector general aser district balala nung Assam Police battalion, SP & commandant jenjang nung state tenzüka liasü.