Taoba hat-trick otsü abener, Leggat alima nungi pilaogo

London, August 31 (Agencies): England ajunga nung tekaraba mapang nung hat-trick yangluba otsü küm 51 tashi abensang, Graham Leggat arishi küm 81 tain lia alima nungi pilaogo.
Scotland international, asür Leggat-i tesüiba mapang, 1963 nung Ipswich Town madak otsüsütsüsüa goal 10-1 agi takok ngua asayaba asaya nung par Fulham telok asoshi minute 3 nung goal 3 tashi agüja otsü yanglutet.
Iba otsüji küm 51 tashi abenba sülen Southampton asayar, Sadio Mane-i taküm May ita ang iba otsüji ajangateta liasü.
Manei-i par Southampton-i goal 6-1 agi Aston Villa madak takok ngua asayaba English Premier League asaya nung minute 2 ser second 56 nung goal 3 tashi agüja hat-trick yanglu.
Asür Leggat-i Aberdeen aser Birmingham City telok na tenüng nung shilem agiba sülen 1958 küm Fulham telok nung züngsem aser kasa küm Sweden nung ayonga asayaba World Cup nung Scotland tenüng nung shilem agi.