Taoba HSPDP president Basaiawmoit-i party toktsü

Shillong, January 29 (Agencies): Meghalaya nung Hill State People’s Democratic Party (HSPDP) taoba president Ardent Miller Basaiawmoit-i party nungi anenogo.
Taküm February 27 nü ADC elections agitsü lia pai HSPDP toktsür asütsü. Basaiawmoit den nisung 18-i January 29 nü primary membership toktsü.
Parnoki HSPDP acting president KP Pangngiang dangi party toktsüba shidiji zülu.
Yaküm February 27 Assembly elections sülen Basaiawmoit-i President mapa nungi anen.
Akhümtsübu masü ta asüba onük nung ajemdaker pai iba menden toktsü.
Iba mapang NPP-i aniba MDA sorkar nung madentsüla ta Ardent Miller Basaiawmoit-is shiaka, HSPDP MLA ana- Renikton Tongkhar aser PHE minister Samlin Malngiang nati tashi mangai aden.
Feb 27 Assembly elections nung pai vote 76 agi Lambor Malngiang den tamakok angu.
Iba ya masüdang pa Nongkrem constituency nungi anaben tashi MLA inyakogo.