Taoba J&K CM Farooq-i Srinagar by election nung takok angu

New Delhi, April 15 (Agencies): Taoba mapang Jammu & Kashmir Chief Minister aser National Conference (NC) tongti, Farooq Abdullah-i Srinagar by election nung takok nguogo. 2014 küm pai iba constituency nungi tamakok ngua liasü.
Abdullah-i PDP candidate, Nazir Ahmad Khan madak vote tali 9,000 agi takok angu.
Abdullah-i 2014 küm PDP candidate, Tariq Karra matsüngdang tamakok ngua liasü. Karra-i PDP nung anenba sülen iba menden azüngteta liasü, iba sülen pa Congress nung aden.
April 9 nü mezüngbuba by election agidang longkak aitertem aser security sepaitem raradang nisung ti asüba ajanga iba election anogo thinener liasü. Iba sülen Brihostibarnü election agi saka vote shilem 2 dang agütsü. State putiotsü nung vote tajemtiba agütsüba anogoji iba anogo liasü.
Iba menden atema candidates ajak agi parnok 9 toktepa liasü.
2014 küm Lok Sabha aser assembly election ama masü saka Brihostibarnü election nungbo yimti lenmangtem kanga azüngmeyaka liasü.
Polling stations 18 nungbo vote agütsür shinga maliasü aser polling station 4 nungbo vote kaka dang agütsü. Ajisüaka Brihostibarnübo mepetmesü kecha matalok.
Iba election nung Congress-i Abdullah nungita liasü aser iba anogo nung vote agütsürtem longsoa maruba atema parnoki state sorkar aser Election Commission nem tai tongloktsü.
Vote agütsür kati ashiba agi, RSS tashii marudaktsütsü atema separatists teloki election nung shilem magitsü nokdanga liasü.
Tang state nung BJP-PDP teloktep sorkar lir.