Taoba mapang Harry Styles den medemba atema mesasar: Flack

September 04, 2015: “X Factor” ketdangser Caroline Flack-i, la taoba mapang ‘One Direction’ telok nungi züngsem Harry Styles den meimtepba atema lai mesasar aser tena nüknür asüba mapang tatalokbatem tajung aika lir, ta ashi.

Tena mapang tatsü ka nüknürar asüba mapang osangkakettem nung kanga bulua adokogo, kechiyong tena tsüngda küm 14 tetsüngda liasü, ta Digital Spy osang ajanga ashi.

Arishi küm 21 Harry Styles den nüknürar aliba mapangtem bilemteta arishi küm 35 Flack-i, tena tesentaktep indang nüburtemi kanga jembiba kuliji lai angateta lir, ta ashi.

“Harry indang asüngdangba ajanga ni memeiner. Nüburtem den atongsema alir asünungji item amaji nüburtemi jangrar, anungji nai menüdoktsüla. Iba ya temenünütsüka lir, iba ya süoki ia agitsü ka masü,” ta Flack-isa ashi.