Taoba mapang India Army tongti, Krishna Rao süogo

New Delhi, January 30 (Agencies): Taoba mapang Indian Army Chief General, K V Krishna Rao, shibai 1971 Bangladesh Liberation War nung shilem tulu agia liasü, pa tanü New Delhi nung aliba military hospital ka nung temelungjang tashitak ajanga alima nungi pilaogo.
Pa arishi küm 92 liasü.
Rao akumli mapang pa Jammu & Kashmir Angh-a inyakogo.
Rao ya Indian Army tongti 14buba inyaka liasü, aser küm 40 dak tema army nung tenzüka aruogo.
Pa ya August 9, 1942 nü army nung commission asü aser lanur army ketdangser ka ama Second World War mapang Burma, North West Frontier aser Baluchistan nung shilem agia raraogo.
1947 küm Punjab lemsaba mapang tashi pa East aser West Punjab nunga inyaka liasü aser Jammu & Kashmir nung Pakistan den 1947-48 küm rara nunga shilem agiogo.
1949-51 küm tashi National Defence Academy nung pa founder Instructor liasü.
Ladakh nung 1965-66 küm pa commander liasü, 1969-70 küm infantry division (Jammu Region) nung inyak aser 1970-72 küm Nagaland aser Manipur na nung Mountain Division ka nung inyak. Iba mapang nungsa par Division-i 1971 küm India-Pakistan rara nung Eastern Theatre  nung shilem agi, ta army sangdong ka ajanga metetdaktsü.
Iba rara nung shilem tajung agiba atema pa nem Param Vishist Seva Medal agüja liasü.