Taoba mapang kabaddi asayar Pratap dengue agi süogo

Gurgaon, September 18 (Agencies): Taoba mapang international kabaddi asayar Pratap Singh Kablana arishi küm 62 nung dengue agi shiranga süogo, ta Hokolbar nü doctor temi metetdaktsü.
Kablana ya yimti nung aliba Sector 38, Medanta, Medicity mozü kidangi Bodhbar nü kanga mejungi shiranga bener arua liasü aser pa yangji anepalua lia asü.
Pa tasümang aremtsü asoshi par yimtaki benerogo. Pa ya Haryana nung Jhajjar district kübok Kablana yimtak nungi liasü.
Pa zünga, Gurgaon nung iba shirang agi nisung pezü buba asür asütsü. Tang tashi nung Gurgaon nung dengue agi shiranger parnok nisung 200 dak tema lir, ta ketdangsertemi metetdaktsüogo.