Taoba Minister-i Assam CM anema ken o benoker

Guwahati, December 22 (Agencies) : Assam nung BJP lennir Dr Himanta Biswa Sharma-i Assam Chief Minister Tarun Gogoi anema Rs 100 crore tenüng menüktsüba ken o ka benokogo.
Gogoi-i pa chit fund aser Louis Berger bribery ken o tem nung tai tongloktsüba atema pai iba ken o benoker, ta Dr Sharma-i tanü osangbener dang metetdaktsü.
Sharma ji tim masüba mapa inyakba ken o aika nung shilem agia lir Chief Minister-i tai tongloktsür ta media osang ka ajanga sangdongba nung ajemdaker Sharma-i Gogoi anema ken o ji benokba lir.