Kohima, August 29 (TYO): Taoba mapang Minister aser Nagaland Peace Centre (NPC) Chairman, Netsutso Theyo, shiba dang N. Theyo ta ajar, pa mapang tatsüka shiranga aruba sülen August 29 aonung 8:40 ako nung Oking Hospital Kohima nung monga lia süogo, ta ketdangsertem osang ka ajanga metetdaktsü.
Pa arishi küm 82 liasü aser pai jabaso asem, jala pezü aser semchir 27 toktsür alima nungi pila. Theyo ya Phek District kübok Thenyizu nunger liasü.
August 30 nü anepdang 10:00 ako nung Chakhesang Baptist Church, Kitsubozou, Kohima nung pa den asüpila sentong agiogo. 1966 küm Chozuba-II Assembly Constituency nungi pa MLA shim aser deputy minister in-charge of electricity shima liasü.
1972 küm pa Minister for Transport and communication, community development, tribal development, blocks and town & country planning shima liasü.
Yimtenren nung majemokdang Theyo-i Chakhesang Students’ Conference (tangbo Chakhesang Students Union) nung 1959-61 küm President inyak, 1961-62 nung Chakhesang Students’ Union Shillong President inyak aser 1962 nungi 1963 tashi P.H.E. School, Phek nung Assistant Headmaster inyaka liasü.
You must be logged in to post a comment Login