Taoba PM atema mangyima tanü office/school ajak shibangtsü

Kohima, Luroi/August 16 (TYO): Taoba mapang Ato kilonser, Atal Bihari Vajpayee Luroi/August 16, 2018 nikongdang alima nungi pilaogo, aser iba dak sendakba nung sorkari anogo tenetnü (Luroi/August 16-22) mangyimtsü, ta sangdongogo.
Lenir nem akhüm agüja Luroi/August 17 nü sorkar office tem, nija aser sorkar shisaliok rejutem ajak shibangtsü, aser anogo tenetnü tashi linük wako tom nung ayutsü. Iba dak alia linüki mangyimba mapang nung official entertainment kecha malitsü, ta ketdangsertemi sangdong ka nung metetdaktsü.