Taoba PM Sharif chiyoktsü mepeshi

Islamabad, Aenjeti/January 26 (Agencies): Taoba Pakistan Atok Kilonser Nawaz Sharif indang okatsür-i Honibarnü high court nung pa temang mejungi aliba asadanger pa tepuokdak nungi chiyoktsü aser medical ground nung ajemdaker bail agütsütsü mepeshia asüngdangogo.
Al-Azizia steel mills ken o dak sendakba nung okadak ka ajanga December 24 nü Sharif küm tenet tepuokdak ayutsü asoshi obendang agütsü aser pa tang Lahor, Kot Lakhpat jail nung puoka lir.
Sharif indang counsel Khawaja Haris-i Islamabad high court (IHC) nung iba ken o benokogo, kong tepuokdak nungi chiyoktsüba aser pa puoka ayuba anem ken o benokadoker liasü.
Okadak ajanga taoba mapang benokba ken o angadangtsü atema February 18 nü latettsür liasü, saka Sharif’er legal team-i ken o ya takaraba nung angadangner.
Sharif ya temulungjang tashidak agi kangshir aser pa temang mejungi küma odar aser mozükidang temang anep alutsü nüngdaker ta, par jala Maryam Nawaz-i ashi.
Sorkari taoba PM asadangtsü asoshi tentettsüba lokti-ia pa temang kanga junga anepalutsüla ta shiogo.
2017 küm September ita Sharif ken o asem tashi nung aija ken o angadangogo. Taoba küm July ita London nung Avenfield property ken o dak sendakba nung pa aija küm 10 tepuokdak ayutsü obendang agütsü. Islamabad high court-i iba ken o dak sendakba nung September ita bail agütsü.
Iba sülen pa Al-Azizia ken o nunga aitsü saka December ita chiok.
Item ken o tem ya Supreme Court tetuyuba nung obendanga liasü.