Taoba Union minister C Silvera süogo

Aizawl, April 9 (Agencies) : Mizoram nungi taoba Union Minister, C Silvera Honibarnü temulungjang timtem ajanga alima nungi pilaogo, ta par kibong osang ka ajanga metetdaktsü.
Arishi küm 81 tain Silvera metsümeshidak lao aser idangjisa asü, ta osang ajanga shisem.
Asür Silvera-i pa kinungtsü Lallawmzuali aser jabaso asem toktsür asü. Pa ya May 6, 1935 nü aso aser Christian Medical College, Vellore nungi MBBS degree angu.
Silvera-i yimtenren nung shilem magidang Baptist Church of Mizoram kübok medical officer ka ama inyaka liasü.
1985 nung pa Rajya Sabha nung takok angu aser iba sülen küm asem atongtepa Lok Sabha election nung takok ngua MP inyak.
February 17, 1994 nü pa Union Minister of State for Health & Family welfare shim aser iba sülen industry portfolio lemzüktsü.
Union Council of Ministers nung Mizo nunger mezüngbuba züngsemji Silvera liasü aser pa dak alia tanü tashi Mizo nunger shingaia iba mapa inyaka mali.