Taoba Union Minister Chidambaram AIIMS nung aniok

New Delhi, October 28 (Agencies): Taoba Union minister P Chidambaram ya Enforcement Directorate ket nung lir aser tanü nikongtsütsü 5:30 ako meta pa All India Institute of Medical Sciences (AIIMS) nung aniokogo.
INX Media ken o nung tai tonglokja Chidambaram pua lir. Pa temang nung timtem kar adokba sülen mozü kidangi anir ao.
Chidambaram-i pa tepok nung tashitsü atur ta ashi aser tanep RML Hospital-i anir ao. Ajisüaka, tanü nikongtsütsü pa AIIMS-i belenogo, ta osang ajanga ashi.
Pa temang jungra masü ta Chidambaram den tesentaktep tajung alir kari ashi saka ED-ibo temang kanga majungbo masü ta ashir.
Taoba hopta Delhi court kati ED dang Congress lennir temang nung timtem kar danga adokra AIIMS-i anir aotsü atema tetuyuba agüja lir.
Chidambaram atema okatsür senior advocate Kapil Sibal-i pa tepok nung timtem ka lir aser ibaji doctor temi meputeter ta ashiba sülen okadaki iba tetuyuba ya agütsü.
Special Judge Ajay Kumar Kuhar-i Congress lennir Chidambaram dang asüngdangya asütsü atema anogo 7 nü agütsüsemogo.
INX Media tim masüba ken o atema Supreme Court nungi bail anguba sülen Chidambaram-i Delhi High Court nung bail meshi.
HC-i ED dang hopta ka tsüngda Chidambaram indang bail application atema telangzüba ka agütsütsü shiogo. Justice Suresh Kumar Kait-i iba ken o ya November 4 nü angadangtsü atema anogo lateta lir.
ED tenüng nung Solicitor General Tushar Mehta aser advocate N K Matta nati Chidambaram anogo tenetnü meshisem.
October 17 nungi 23 tashi Chidambaram dang tasüngdangba 65 asüngdang aser pai telangzüba ajak magütsü ta Mehta-i ashi.