Taoba WB Speaker Hashim Abdul alima nungi pilaogo

Kolkata, November 02 (Agencies): Hombar nü taoba mapang West Bengal assembly Speaker, Hashim Abdul Halim temeluungjang tashitak ajanga Kolkata nung aliba nursing home ka nung süogo, ta par kinüngertemi ashi.

Pa arishi küm 80 liasü.

Left Front yimssüba mapang Halim-i Assembly speaker küm 29 (1982 küm nungi 2011) tashi inyakba ajanga otsü tasen ka yanglua liasü.

“Tanep pa ‘morning walk’ nungi meyipa aruba sülen teku nung tashitsü atu. Idangyongjisa pa yimti nung aliba nursing home kati anir ao. Pa tanep 10:10 ako nung alima nungi pilaogo,” ta Halim’er jabaso, Fuad-i ashi.

Pa ya Communist Party of India (Marxist) züngsem liasü. 177 küm CPI(M)-i aniba Left Front sorkar tashii aruba mapang pa mezüng MLA akum aser 2011 küm tashi tenetbenren tashi state assembly züngsem liasü.

1977 nungi 1982 tashi pa judicial affairs minister inyak, iba sülen 1982 nungi assembly Speaker inyaka liasü.